Наурыз мейрамы

8 сәуір күні №7 арнайы мектеп-интернатында көктемнің шуақты мерекесі – Наурыз мейрамы жоғары деңгейде атап өтілді. Бұл күні білім ордасы ерекше мерекелік көңіл күйге бөленіп, ұлттық нақыштағы безендірулер ұйымдастырылды.
Мереке аясында оқушылар мен ұстаздар бірігіп, ән шырқап, би билеп, өз өнерлерін ортаға салып, көпшілікке шаттық сыйлады. Қазан толы Наурыз көже дайындалып, оқушыларға ұсынылды.
Сонымен қатар, ұлттық ойындар өткізіліп, балалар қызыға қатысып, белсенділік танытты. Әрбір ойын арқылы ептілік, шапшаңдық және ұйымшылдық қасиеттері көрініс тапты.

Ата-аналар ақ тілектерін арнап, балаларға жылы лебіздерін білдіріп, жарқын болашақ тіледі. Наурыз мейрамы барша қатысушыларға көтеріңкі көңіл күй, бірлік пен береке сыйлаған есте қаларлық күн болды.


 https://www.instagram.com/reel/DW5wpNqjFFO/?utm_source=ig_web_copy_link&igsh=MzRlODBiNWFlZA==