Наурыз мерекесіне арналған салтанатты іс-шара өтті.

№7 арнайы мектеп-интернатында Ұлыстың ұлы күні — Наурыз мерекесіне арналған салтанатты іс-шара өтті. Мерекеге мектеп ұжымы, оқушылар және қонақтар белсене қатысып, ортақ қуаныш пен шаттық атмосферасын құрды.
Мектеп ауласы мен залы ұлттық нақышта безендіріліп, көркемдік сәнге бөленді. Оқушылар дәстүрлі қазақ киімдерін киіп, ән айтып, би биледі, сондай-ақ халқымыздың әдет-ғұрыптарын, салт-дәстүрлерін сахналық қойылымдар арқылы көрсетті. Дәстүрлі тағамдар ұсынылып, ұлттық ойындар ұйымдастырылды.
Наурыз — тек табиғаттың ғана емес, адамдар арасындағы достық пен бірліктің жаңаруын білдіретін ерекше мейрам. Осы рухпен өткен мерекеде әрбір бала мен қонақ жүрегіне көктемнің шуағы себіліп, ерекше көңіл-күй сыйланды. Бүлдіршіндердің жарқын күлкісі мен ұлттық әндердің әуені мектеп ауласын шаттыққа бөлеп, барша қатысушыларға ұзақ есте қалатын сәттер сыйлады.
Бұл күннің әр сәті жылылық пен қуанышқа толы болды. Ұлыстың ұлы күні баршаға жаңа үміт, ақ тілектер мен жарқын бастамалар әкелді. 

https://www.instagram.com/reel/DI6HBTVi_pG/?utm_source=ig_web_copy_link&igsh=MzRlODBiNWFlZA==